AN GITARISTA

Ang Gitarista

Dayaw an bulan
Sa piliw san tulay

Naggurubtik an kwerdas
San beterano na kaskas

An tunog na hinuring
Siniyak san hangin

Nakidungan ang salug
Sa pagtapo sa balud

An mga namalaralabay
Naghiyumhiyom.. na-ogmahan…

Pero wara na…wara na.
An tugtog san gitarista

An aldaw san melodiya san kanta
Sa isip ko…dumdon ko pa.

nfg -28 nov 09
dedicated to my classmate & best friend, Jonathan G. Ortiz

TULA NG MAKATA

TULA NG MAKATA


Namutawi sa pluma
Ang tilamsik ng tinta.

Sa papel na parihaba
Pumatak ang dalisay na luha

Pumahimpapawid ang bagwis
Ng damdaming nakapiit.

Ang diwa’y naglakbay
Sa laot ng walang hanggan.

Sa bukal ng putik , sinasala
Mga ginintuang kataga.

Sa pangusap ng taludtod
Sa damdami’y nanunuot…
Sa puso’y humahaplos…


-noelfg
26 aug 08


Dedicated to Mrs. L. Frayna
Filipino Teacher. BUCES
Adviser, “The Current Newsletter”

GURO

GURO

“Mapapalad ang mga teacher, kasi room nila ay class.”

Mistulang ‘sang tanglaw, bituin sa langit
Sinundan ng mago, no’ng gabing tahimik
Bundok ng tagumpay, mahirap, matarik
Sa wastong kong gabay ito’y napapanhik

Mga bobo’ t mangmang, ginawa kong pantas
Hiwaga ng agham ay aking tinuklas
Aking sinaliksik ang aral ng lumipas
At karununga’y aking pinalaganap.

Butil ng aking pawis ang kaunlaran
Lansangan at tulay na yari sa bakal
Pagsisid ng dagat, pagpanhik ng buwan
Pagnaog sa lupa.. gintong natuklasan!

Pinagyaman ko ang gintong pamana
Ng kasaysayan sa bawat pahina

Ang mayamang nating tradisyo’t kultura
Sandaigdiga’y aking pinakilala

At aking hinubog ang talinong -angkin
Sa larangan ng pag-awit at likhang sining
Pinaghusay ko ang mga tinig-anghel
Paglilok sa marmol, paghawak ng pinsel.

Ako’y guro- alagad ng edukasyon
Katabi'y pisara sa buong maghapon
Tinuring man bayani ng lantang dahon
Ngunit sa pusong inukit ng panahon.

noelfg

dedicated to my first mentor, Grade 2 teacher,

Kab Scout Masterrand mother.
Ms. Fe F. Galpo

(Aug. 1, 1930-Jan. 21, 2010)